గూడ్స్ వాహనాల యజమానులకు ఊరట.. పన్ను చెల్లింపు విధానంలో కీలక మార్పులు..!

గూడ్స్ వాహనాల పన్ను విధానంలో తెలంగాణ ప్రభుత్వం కీలక మార్పులు చేయనున్నట్లు తెలుస్తోంది. ఇకపై వాహనం కొనుగోలు చేసేటప్పుడే జీవితకాల పన్ను వసూలు చేయాలని భావిస్తున్నట్లు సమాచారం. ఈ మేరకు కొత్త పన్ను విధానాన్ని త్వరలో అమలు చేసే అవకాశం ఉన్నట్లు తెలుస్తోంది. ఈ కొత్త విధానం వల్ల వాహనదారులు ప్రతి మూడు నెలలకోసారి పన్ను చెల్లించే అవసరం ఉండదు. రోడ్లపై ఆర్టీఏ అధికారులు కూడా ఆపరు. అంతేకాకుండా పన్ను ఎగవేతకు కూడా ఈ కొత్త విధానం చెక్ పెడుతుందని ప్రభుత్వం భావిస్తోంది.