గొప్ప మనసు చాటుకున్న తెలంగాణ పీసీసీ చీఫ్.. స్కూల్ నిర్మాణం కోసం 11 ఎకరాలు దానం..

టీపీసీసీ చీఫ్ మహేష్ కుమార్ గౌడ్ తన స్వగ్రామమైన నిజామాబాద్ జిల్లా.. రహత్‌నగర్ అభివృద్ధి కోసం తన సొంత ఆస్తిలో 11 ఎకరాల భూమిని విరాళంగా ఇచ్చి గొప్ప దాతృత్వాన్ని చాటుకున్నారు. ఈ భూమిలో 10 ఎకరాలను ఇంటిగ్రేటెడ్ మోడల్ స్కూల్ నిర్మాణానికి.. 1 ఎకరాన్ని విద్యుత్ సబ్‌స్టేషన్ విస్తరణకు కేటాయించారు. దీనివల్ల గ్రామంలో విద్యా, మౌలిక వసతులు మెరుగుపడతాయి. ధర్మపురి-బాసర టెంపుల్ కారిడార్ రోడ్డు రహత్‌నగర్ మీదుగా వచ్చేలా కృషి చేసినందుకు ఆయన ముఖ్యమంత్రికి ధన్యవాదాలు తెలిపారు. చివరి శ్వాస వరకు గ్రామాభివృద్ధికి కృషి చేస్తానని హామీ ఇచ్చారు.