గ్రేటర్ హైదరాబాద్‌లో ఓపెన్ ప్లాట్లు, ఇండ్లు కొంటున్నారా..? అయితే ఈ విషయం తెలుసుకోండి

గ్రేటర్ హైదరాబాద్ పరిధిలో ప్రాపర్టీ కొనేవారికి హెచ్‌ఎండీఏ (HMDA) హెచ్చరికలు జారీ చేసింది. చెరువులు, కుంటల ఎఫ్‌టీఎల్ (ఫుల్ ట్యాంక్ లెవెల్) పరిధిలో ప్లాట్లు కొనుగోలు చేస్తే సమస్యలు తప్పవని సూచించింది. కబ్జాలను అరికట్టడానికి, హెచ్‌ఎండీఏ ఏడు జిల్లాల పరిధిలోని 2,933 చెరువులకు ఎఫ్‌టీఎల్‌ను ప్రాథమికంగా నిర్ధారించి, 1,131 చెరువులకు తుది నోటిఫికేషన్ జారీ చేసింది. ఈ వివరాలు హెచ్‌ఎండీఏ వెబ్‌సైట్‌లో అందుబాటులో ఉండనున్నాయి. తప్పుడు పత్రాలతో మోసపోవద్దని అధికారులు హెచ్చరిస్తున్నారు.