చంద్రబాబు హామీ 24 గంటల్లోనే అమలు.. వాళ్లిద్దరు ఫుల్ హ్యాపీ, చెరో రూ.1.50 లక్షలు

Chandrababu Helps Electric Scooters: డాక్టర్ బీఆర్ అంబేద్కర్ కోనసీమ జిల్లాలో ఓ దివ్యాంగుడు, మరో యువకుడికి ఇచ్చిన హామీని ముఖ్యమంత్రి చంద్రబాబు నాయుడు 24 గంటల్లోనే నెరవేర్చారు. వానపల్లిలో నిర్వహించిన గ్రామ సభలో.. సంగంపాలేనికి చెందిన దివ్యాంగుడు భగవాన్, వాడపాలేనికి చెందిన నాగమల్లేశ్వరకిరణ్ తమకు ఎలక్ట్రిక్ స్కూటర్లు ఇప్పించాలని చంద్రబాబును కోరారు. వెంటనే స్పందించిన చంద్రబాబు ఎలక్ట్రిక్ స్కూటర్లు అందజేయాలని కలెక్టర్‌‌ను ఆదేశించారు. ఈమేరకు ఇద్దరికి ఎలక్ట్రిక్ స్కూటర్లను అందించారు.. ఒక్కో స్కూటర్ విలువ రూ. 1.5 లక్షలు.