చంద్రబాబుపై కాంగ్రెస్ సీనియర్ లీడర్ ప్రశంసలు.. ఇదే పద్ధతి ఫాలో కావాలని సూచన

ఏపీ సీఎం చంద్రబాబు నాయుడుపై పీసీసీ మాజీ చీఫ్ రఘువీరారెడ్డి ప్రశంసలు కురిపించారు. చంద్రబాబు మడకశిర పర్యటన మీద రఘువీరారెడ్డి ప్రశంసించారు. జనాన్ని బలవంతంగా తరలించకుండా చాలా సాదా సీదాగా సభను నిర్వహించారని చంద్రబాబును కొనియాడారు. భవిష్యత్తులో ఏ ప్రభుత్వ కార్యక్రమం అయినా ఇదే పద్ధతిలో కొనసాగిస్తే.. మంచిదని రఘువీరారెడ్డి అభిప్రాయపడ్డారు. అలాగే మడకశిరకు చంద్రబాబు ఇచ్చిన హామీలను అభినందించిన రఘువీరా.. వీటిని అమలుచేసే శక్తిని దేవుడు ఆయనకు ఇవ్వాలని కోరుకుంటున్నట్లు చెప్పారు.