జనసేన జెండా పట్టుకున్నప్పుడే యుద్ధానికి రెడీ అయ్యా.. బెదిరింపులకు నటుడు తనీష్ కౌంటర్

జనసేన జెండా పట్టుకున్నప్పుడే తాను యుద్ధానికి సిద్ధమై వచ్చానని సినీ నటుడు తనీష్ కీలక వ్యాఖ్యలు చేశారు. తనకు కొన్ని రోజులుగా బెదిరింపు ఫోన్ కాల్స్, అసభ్యకరమైన మెసేజ్‌లు వస్తున్నాయని సోషల్ మీడియాలో వెల్లడించారు. ఈ క్రమంలోనే తనకు వచ్చిన ఓ మెసేజ్ స్క్రీన్‌షాట్‌ను సోషల్ మీడియాలో షేర్ చేశారు. మంత్రి సీతక్క గురించి మాట్లాడుతున్నావంటూ తనను హెచ్చరించినట్లు ఆ మెసేజ్‌లో ఉందని తెలిపారు. తనను రెచ్చగొడితే ఇసుక అక్రమ రవాణా, కమిషన్లు, కాంట్రాక్టుల వ్యవహారాలపై మాట్లాడాల్సి వస్తుందని హెచ్చరించారు.