జన్వాడ ఫాంహౌజ్ కూల్చివేత.. హైడ్రాకు హైకోర్టు కీలక ఆదేశాలు

హైదరాబాద్‌లో నిర్వహిస్తోన్న హైడ్రా కూల్చివేతల వివాదం హైకోర్టుకు చేరుకుంది. బీఆర్ఎస్ వర్కింగ్ ప్రెసిడెంట్ కేటీఆర్ లీజుకు తీసుకున్న జన్వాడ ఫాంహౌస్‌కు కూడా హైడ్రా ఎఫెక్ట్ పడటంతో.. దాని ఓనర్ ప్రదీప్ రెడ్డి హైకోర్టును ఆశ్రయించగా.. ఈ పిటిషన్‌పై బుధవారం రోజున విచారణ జరిగింది. ఈ క్రమంలో.. హైడ్రాకు హైకోర్టు కీలక ఆదేశాలు జారీ చేసింది. ఫాంహౌస్ కూల్చివేతను ఆపేయాలని వేసిన పిటిషన్‌ను హైకోర్టు తోసిపుచ్చింది. స్టే ఇచ్చేందుకు నిరాకరించింది.