జాతరలో అరాచకం.. జుట్టు లాగి, తిడుతూ మహిళా ఎస్ఐపై దాడి.. నిందితులకు రిమాండ్..

విజయనగరం జిల్లా మహిళా ఎస్ఐపై దాడి ఘటనలో నిందితులకు కోర్టు రిమాండ్ విధించింది. ఈ ఘటనలో మొత్తం 9 మందిని పోలీసులు అరెస్ట్ చేశారు. వీరిని కోర్టులో హాజరుపరచగా.. కోర్టు రిమాండ్ విధించింది. వేపాడ మండలం గుడివాడలో మంగళవారం రాత్రి వేణుగోపాలస్వామి జాతర సందర్భంగా డ్యాన్స్ ప్రోగామ్ ఏర్పాటు చేశారు. ఈ కార్యక్రమంలో కొంతమంది యువకులు.. డ్యాన్స్ చేస్తున్న యువతులతో అసభ్యంగా ప్రవర్తించారు. అడ్డుకోబోయిన మహిళా ఎస్ఐ‌పైనా దాడి చేశారు. ఈ ఘటన రాష్ట్రవ్యాప్తంగా సంచలనం రేపింది.