జీఐ గుర్తింపు పొందిన తాండూరు కందిపప్పు ఆస్ట్రేలియాకు ఎగుమతి.. తొలి విడతలో 2.5 టన్నులు

తెలంగాణలో జీఐ గుర్తింపు పొందిన తాండూరు కందిపప్పు తొలిసారిగా ఆస్ట్రేలియా మార్కెట్‌కు ఎగుమతి అయింది. ఏపీఈడీఏ సహకారంతో హైదరాబాద్‌కు చెందిన సంస్థ 2.5 మెట్రిక్ టన్నుల కందిపప్పును సముద్ర మార్గంలో పంపించింది. వికారాబాద్ జిల్లాలోని పలు మండలాల్లో పండించే ఈ కంది పంటకు ప్రత్యేక నేలలు, రుచి, వండే నాణ్యత, ప్రొటీన్‌ శాతం వంటి లక్షణాలు ఉన్నాయి. ఆస్ట్రేలియాకు తొలి ఎగుమతి జరగడం వల్ల ఈ తాండూరు కందిపప్పు ఉత్పత్తికి అంతర్జాతీయ గుర్తింపు పెరిగే అవకాశం ఉందని మార్కెట్ వర్గాలు చెబుతున్నాయి. భవిష్యత్తులో విదేశీ మార్కెట్ల నుంచి మరిన్ని ఆర్డర్లు వస్తే కొత్త అవకాశాలు అందుబాటులోకి రానున్నాయి.