జుట్టు లాగుతూ, కొడుతూ.. ఏడో తరగతి స్టూడెంట్‌పై సీనియర్ల దారుణం.. అధికారుల చర్యలు

అల్లూరి జిల్లా పాడేరులో ర్యాగింగ్ కలకలం రేపింది. పాడేరు సెయింటాన్స్ పాఠశాలలో ఏడో తరగతి విద్యార్థినిపై పదో తరగతి విద్యార్థినులు దాడి చేశారు. తమ గురించి హాస్టల్ వార్డెన్‌కు చెప్పిందనే కోపంతో బాలికను కొట్టారు. ఈ వీడియో ఆదివారం నెట్టింట వైరల్ అయ్యింది. దీంతో విషయం కాస్తా జిల్లా విద్యాశాఖ అధికారి దృష్టికి చేరింది. దీంతో డీఈవో ఆదేశాలతో ఎంఈవో దీనిపై విచారణ చేపట్టారు. అలాగే ఓ కమిటీని కూడా ఏర్పాటు చేశారు. మరోవైపు హాస్టల్ వార్డెన్‌ను విధుల నుంచి తప్పించిన యాజమాన్యం.. పదో తరగతి విద్యార్థినులు ముగ్గురిని హాస్టల్ నుంచి ఇళ్లకు పంపివేసింది.