"జూన్ 2వ తేదీన కల్వకుంట్ల కవిత కొత్త పార్టీ".. తెలంగాణ జాగృతి నేతలతో కీలక సమావేశం

తెలంగాణ జాగృతి నేతలతో ఎమ్మెల్సీ కల్వకుంట్ల కవిత భేటీ కావడం రాష్ట్ర రాజకీయాల్లో ఆసక్తికరంగా మారింది. కవిత కొత్త పార్టీ పెట్టబోతున్నారనే వార్త ఇప్పుడు చక్కర్లు కొడుతున్న వేళ.. ఆమె ఈ సమావేశం నిర్వహించడం గమనార్హం. మరోవైపు.. కల్వకుంట్ల కవిత కొత్త పార్టీ పెట్టనున్నట్లు ప్రతిపక్ష కాంగ్రెస్, బీజేపీ నేతలు పదే పదే చెబుతున్నారు. ఈ నేపథ్యంలోనే బీజేపీ ఎంపీ రఘునందన్ రావు.. మరో అడుగు ముందుకేసి.. జూన్ 2వ తేదీన కవిత కొత్త పార్టీ పెడతారని పేర్కొనడం హాట్ టాపిక్‌గా మారింది.