టీటీడీ పీఆర్వోగా పని చేసిన ముస్లిం మహిళ.. పెద్ద మొత్తంలో బంగారు ఆభరణాలు కూడబెట్టిందా..?

తిరుమల తిరుపతి దేవస్థానం బోర్డు అనేది కోట్లాది మంది హిందువులకు ఆరాధ్య దైవమైన శ్రీ వెంకటేశ్వర స్వామి ఆలయ వ్యవహారాలను చూసుకుంటోందనే సంగతి తెలిసిందే. అలాంటి టీటీడీలో ఓ ముస్లిం మహిళ పీఆర్వోగా పని చేసిందని.. ఆమె భారీ మొత్తంలో బంగారు ఆభరణాలను కూడబెట్టినట్లు ఐటీ దాడుల్లో తేలిందని ఓ వీడియో సోషల్ మీడియాలో వైరల్ అవుతోంది. అయితే ఈ ప్రచారంలో ఏ మాత్రం నిజం లేదని సజగ్ టీమ్ గుర్తించింది.