ట్రాఫిక్ చలాన్లు కట్టకపోతే ఫాస్టాగ్ నుంచి డబ్బులు కట్.. హైదరాబాద్ పోలీసుల బిగ్ ప్లాన్!

హైదరాబాద్‌లో ట్రాఫిక్ చలాన్ల వసూళ్లకు టెక్నాలజీని ఉపయోగించే సరికొత్త విధానాన్ని పోలీసులు పరిశీలిస్తున్నారు. ట్రాఫిక్ రూల్స్ ఉల్లంఘించిన వాహనదారుల నుంచి జరిమానాలను ఫాస్టాగ్ ద్వారా ఆటోమేటిక్‌గా వసూలు చేసే ప్రతిపాదనపై హెచ్‌ఎండీఏతో చర్చలు జరుపుతున్నారు. పెండింగ్ ఈ-చలాన్లను తగ్గించడం, ట్రాఫిక్ రూల్స్ అతిక్రమించడాన్ని కంట్రోల్ చేయడమే ఈ కొత్త విధానం ప్రధాన ఉద్దేశమని సంబంధిత వర్గాలు చెబుతున్నాయి. అయితే ఈ కొత్త విధానానికి సంబంధించి.. అధికారిక స్పష్టత రావాల్సి ఉంది.