డబుల్ బెడ్‌రూమ్ ఇళ్లపై సర్కార్ స్పెషల్ ఫోకస్.. అలా ఉంటే ఇళ్లు వెనక్కి, ఖాళీ చేయాల్సిందే..!

హైదరాబాద్‌లో పేదలకు కేటాయించిన డబుల్ బెడ్‌రూమ్ ఇళ్లలో నివసించని లబ్ధిదారులకు ప్రభుత్వం షాక్ ఇచ్చింది. మౌలిక సదుపాయాలు కల్పించినా.. ఇప్పటికీ ఇళ్లకు తాళం వేయటం లేదా అద్దెకు ఇచ్చిన 8 వేల మంది నుంచి ఇళ్లను స్వాధీనం చేసుకోవాలని డిసైడ్ అయింది. ఆయా ఇళ్లను వెయిటింగ్ లిస్ట్‌లోని అర్హులైన పేదలకు ఇవ్వాలని నిర్ణయించింది. కాలనీల అభివృద్ధికి దుకాణాల వేలం, నిత్యావసరాల కోసం గల్లీ బజార్ల నిర్వహణ వంటి చర్యలు చేపడుతోంది.