తిరుపతివాసులకు అలర్ట్.. స్థానిక దర్శన కోటా టోకెన్ల జారీ ఆరోజే.. ఎక్కడెక్కడంటే?

తిరుపతి స్థానికులకు ముఖ్య గమనిక. జనవరి నెలకు సంబంధించిన స్థానిక దర్శన కోటా టోకెన్లను టీటీడీ జారీ చేయనుంది. జనవరి 5వ తేదీన తిరుమల శ్రీవారి స్థానిక దర్శన కోటా టికెట్లు జారీ చేయనున్నారు. తిరుపతితో పాటుగా, తిరుమలలో ఈ స్థానిక దర్శన కోటా టోకెన్లు జారీ చేస్తారు. ఈ టోకెన్లు పొందిన భక్తులను జనవరి 7వ తేదీన దర్శనానికి అనుమతిస్తారు. అయితే టోకెన్లు పొందడానికి వచ్చే సమయంలో ఒరిజినల్ ఆధార్ కార్డు వెంట తెచ్చుకోవాలని టీటీడీ సూచించింది. దర్శనం సమయంలోనూ ఒరిజినల్ ఆధార్ కార్డును తమ వెంట తీసుకురావాలని సూచించింది.