తిరుమల శ్రీవారి ఆ దర్శన టికెట్లు కొనేవారే లేరట.. సగం టికెట్లు బుక్ కాలేదట, కారణం ఇదేనా!

Tirumala Srivani Darshan Tickets 2025: తిరుమల శ్రీవారి దర్శనానికి భక్తులు పోటెత్తుతున్నప్పటికీ.. ఆ దర్శన టికెట్లకు ఆదరణ తగ్గినట్లు తెలుస్తోంది. గత ఆరు రోజుల్లో 4113 టికెట్లు మిగిలిపోయాయని సమాచారం. ఒకప్పుడు ఈ టికెట్ల కోసం భక్తులు పోటీ పడేవారు, కానీ ఇప్పుడు పరిస్థితి మారింది. భారత్, పాకిస్థాన్ మధ్య ఉద్రిక్త పరిస్థితుల కారణంగా భక్తులు యాత్రను వాయిదా వేసుకుంటున్నారని ఊహాగానాలు వినిపిస్తున్నాయి. అయితే, రాబోయే రోజుల్లో డిమాండ్ పెరుగుతుందని టీటీడీ భావిస్తోంది.