తిరుమలలో కారు పార్క్ చేస్తున్నారా? అయితే జాగ్రత్త.. మీరే టార్గెట్!

శ్రీవారి దర్శనానికి వచ్చే భక్తులు కారులోనే తమ వస్తువులను వదిలేసి దర్శనానికి వెళ్తుంటారు. అలాంటి వాహనాలను టార్గెట్ చేసి అందులో విలువైన వస్తువులను చోరీ చేస్తున్న వ్యక్తిని తిరుమల టూటౌన్ పోలీసులు అరెస్టు చేశారు. నగదు, ల్యాప్‌టాప్‌లు, యాపిల్ ఐ ఫోన్లు, యాపిల్ వాచ్‌లు చోరీ చేస్తున్నట్లు పోలీసులు గుర్తించారు. నిందితుడి నుంచి ఆ వస్తువులను రికవరీ చేసినట్లు వెల్లడించారు. తిరుమలకు వెళ్లే భక్తులు అప్రమత్తంగా ఉండాలని పోలీసులు సూచిస్తున్నారు. అనుమానాస్పద వ్యక్తులు కనిపిస్తే సమాచారం అందించాలని చెప్పారు.