తిరుమలలో నీటి సమస్య.. 6 రోజులకొకసారి సరఫరా, పొదుపు చర్యలకు TTD ఆదేశం

Tirmala Water: తిరుమలలో నీటిని పొదుపుగా వినియోగించాలని భక్తులను, స్థానికులను టీటీడీ కోరింది. ఆగస్టు 25 నుంచి నీటి పొదుపు చర్యలు అమల్లో ఉంటాయని తెలిపింది. కొండపై బాలాజీనగర్ ప్రాంతానికి ఇకపై 6 రోజులకు ఒకసారి నీటి సరఫరా ఉంటుందని తెలిపింది. వ్యాపార సముదాయలకు ఉదయం 4 గంటలు, సాయంత్రం 4 గంటలు మాత్రమే నీటి సరఫరా ఉంటుందని తెలిపింది. అక్టోబర్‌లో తిరుమల బ్రహ్మోత్సవాల నేపథ్యంలో అధిక సంఖ్యలో భక్తులు వస్తారని.. సందర్శకుల అవసరాలను దృష్టిలో ఉంచుకొని పొదుపు చర్యలు చేపట్టామని టీటీడీ తెలిపింది.