తిరుమలలో భారీ వర్షం.. శ్రీవారి భక్తులకు టీటీడీ కీలక సూచనలు

అల్పపీడనం ప్రభావంతో రాయలసీమ జిల్లాలలో విస్తారంగా వర్షాలు కురుస్తున్నాయి. చిత్తూరు, తిరుపతి జిల్లాలలో గురువారం భారీ వర్షం కురిసింది. తిరుమలలో ఎడతెరిపి లేకుండా వర్షం కురుస్తున్న నేపథ్యంలో భక్తులు ఇబ్బందులు పడుతున్నారు. ఘాట్ రోడ్లలో కొండచరియలు విరిగిపడుతున్నాయి. ఈ నేపథ్యంలో శ్రీవారి భక్తులకు టీటీడీ కీలక సూచనలు చేసింది. ఘాట్ రోడ్లలో వాహనం జాగ్రత్తగా నడపాలని సూచించింది. అలాగే ముందు జాగ్రత్తగా పాపవినాశనం, ఆకాశగంగ, శ్రీవారి పాదం మార్గాల్లో వాహనాల రాకపోకలను నిలిపివేశారు.