తెలంగాణ ప్రజలకు చల్లటి కబురు.. ఈ జిల్లాల్లో రెండ్రోజుల పాటు వర్షాలు

తెలంగాణకు హైదరాబాద్ వాతావరణ కేంద్రం అధికారులు చల్లటి కబురు చెప్పారు. నేడు (ఆది), సోమవారాల్లో రాష్ట్రంలోని కొన్ని జిల్లాల్లో తేలికపాటి నుంచి ఓ మోస్తరు వర్షాలు కురిసే అవకాశం ఉందన్నారు. కొన్ని చోట్ల ఉరుములు, మెరుపులు, భారీ ఈదురు గాలులతో వర్షాలు కురుస్తాయని జాగ్రత్తగా ఉండాలని అంటున్నారు. ఈ మేరకు పలు జిల్లాలకు అలర్ట్ జారీ చేశారు.