'తెలంగాణ రాజముద్ర మారిపోయిందా..? ఎవరు, ఎప్పుడు ఆమోదించారు..?'

తెలంగాణ అధికారిక రాజముద్రను మార్చేస్తామని సీఎం రేవంత్ రెడ్డి ఇప్పటికే బహిరంగంగా ప్రకటించిన విషయం తెలిసిందే. అందుకోసం ఒక రెండు మూడు నమూనా చిహ్నాలు కూడా పరిశీలిస్తున్నారు. అయితే.. కొత్త చిహ్నం మీద ఎలాంటి అధికారిక ప్రకటన రాకుండానే.. గ్రేటర్ వరంగల్ కార్పొరేషన్ అధికారులు అత్యుత్సాహం ప్రదర్శించారు. కొత్త లోగోతో ఫ్లెక్సీ ప్రింట్ చేసి.. ప్రధాన కార్యాలయం ముందు ఏర్పాటు చేశారు. దీనిపై కేటీఆర్ తీవ్ర స్థాయిలో స్పందించారు.