తెలంగాణకు మరో 7 నవోదయ విద్యాలయాలు.. ఈ జిల్లాల్లోనే..

కేంద్ర ప్రభుత్వం తెలంగాణకు కొత్తగా 7 జవహర్ నవోదయ విద్యాలయాలను మంజూరు చేసింది. 2024 డిసెంబర్‌లో ఆమోదం పొందినా.. నేడు అధికారిక ఉత్తర్వులు విడుదలయ్యాయి. ఇవి భద్రాద్రి కొత్తగూడెం, జగిత్యాల, మహబూబ్‌నగర్, మేడ్చల్-మల్కాజ్‌గిరి, నిజామాబాద్, సంగారెడ్డి, సూర్యాపేట జిల్లాల్లో స్థాపితమవుతాయి. దీంతో రాష్ట్రంలో JNVల సంఖ్య 16కు చేరుతుంది. 2024-29 మధ్య రూ.2,359 కోట్లు వ్యయం అవుతుంది. జూలై 14, 2025 నుంచి తరగతులు ప్రారంభమవుతాయి. ఇవి పూర్తి నివాస పాఠశాలలు, ఉచిత విద్య, హాస్టల్ వసతిని అందిస్తాయి. గ్రామీణ విద్యార్థులకు 75 శాతం సీట్లు కేటాయిస్తారు. ప్రవేశాలు JNVST ద్వారా జరుగుతాయి.