తెలంగాణలో ఉపఎన్నికలు తప్పవు.. నెలలోనే ఎమ్మెల్యేలపై అనర్హత అంశం తేలిపోనుంది: కేటీఆర్

తెలంగాణలో రాజకీయ పరిస్థితులు ఆసక్తికరంగా మారాయి. ఇప్పటికే పది మంది బీఆర్ఎస్ ఎమ్మెల్యేలు కాంగ్రెస్ గూటికి చేరుకున్నారు. ఇంకా కొంత మంది చేరే అవకాశం కూడా ఉందని చెప్తున్నారు. మరోవైపు.. పార్టీ ఫిరాయింపులపై బీఆర్ఎస్ వర్కింగ్ ప్రెసిడెంట్ కేటీఆర్ ఆధ్వర్యంలోని పలువురు నేతలు ఢిల్లీకి వెళ్లి న్యాయ పోరాటం ప్రారంభించారు. ఈ మేరకు కేటీఆర్ ట్విట్టర్ వేదికగా కీలక వ్యాఖ్యలు చేశారు. తెలంగాణలో ఉపఎన్నికలు తప్పవని.. పార్టీ మారిన ఎమ్మెల్యేకు ప్రజాక్షేత్రంలోనే బుద్ధి చెప్తామని కేటీఆర్ హెచ్చరించారు.