తెలంగాణలో కుండపోత వర్షాలు.. అయినా నిండని చెరువులు, ఎందుకీ పరిస్థితి..?

తెలంగాణ వ్యాప్తంగా ఈసారి కుండపోత వర్షాలు కురుస్తున్నాయి. వాగులు, వంకలు పొంగిపొర్లుతున్నాయి. నిజాం సాగర్, నాగార్జున సాగర్ సహా మరికొన్ని భారీ ప్రాజెక్టులు నిండుకుండలా మారాయి. అయితే కుండపోత వర్షాలు కురిసినా.. రాష్ట్రంలోని అన్ని చెరువులు పూర్తిస్థాయిలో నిండలేదు. దాదాపు 35 శాతం చెరువులు ఇప్పటికీ పూర్తి సామర్థ్యానికి చేరుకోలేదు.