తెలంగాణలో కొత్త విమానాశ్రయం.. ఆ జిల్లాలోనే ఏర్పాటు.. కేంద్ర మంత్రితో తుమ్మల భేటీ

తెలంగాణలో ఇప్పటి వరకు శంషాబాద్‌లో ఉన్న రాజీవ్ గాంధీ ఇంటర్నేషనల్ ఎయిర్ పోర్ట్ మాత్రమే ఉండేది. కాగా.. ఇప్పుడు రాష్ట్రానికి మరో ఎయిర్ పోర్ట్ కావాలంటూ కేంద్ర ప్రభుత్వానికి రాష్ట్ర సర్కార్ పలుమార్లు విజ్ఞప్తి చేస్తూనే ఉంది. బీఆర్ఎస్ ప్రభుత్వ హయాంలోనే ఈ కొత్త ఎయిర్ పోర్ట్‌ కోసం బీజం పడగా.. కాంగ్రెస్ ప్రభుత్వంలో వరుసగా విజ్ఞప్తులు చేస్తూనే ఉన్నారు. తాజాగా.. కేంద్ర మంత్రి రామ్మోహన్ నాయుడును మంత్రి తుమ్మల నాగేశ్వర రావు కలిసి వినతి పత్రం సమర్పించారు.