తెలంగాణలో నాలుగు మెడికల్ కాలేజీలకు గ్రీన్ సిగ్నల్... లైన్‌లో మరో నాలుగు

వైద్య విద్యను మరింత చేరువ చేసే ఉద్దేశంతో మెడికల్ కాలేజీలను పెద్ద సంఖ్యలో ఏర్పాటుచేయడానికి ప్రభుత్వం కసరత్తులు చేస్తోంది. తెలంగాణలో కొత్తగా 8 మెడికల్ కాలేజీలు ఏర్పాటు కోరుతూ గతేడాది జాతీయ వైద్య మండలికి దరఖాస్తు చేసింది. వీటిని పరిశీలించిన ఎన్ఎంసీ.. ప్రస్తుతం 4 కాలేజీలకు అనుమతులు మంజూరు చేసింది. ఈ క్రమంలో మిగతా నాలుగు కాలేజీలకు అనుమతి ఇవ్వాలని.. అవసరమైన మౌలిక సదుపాయాలను కల్పిస్తామని వైద్య ఆరోగ్య శాఖ లేఖ రాయనుంది.