తెలంగాణలో భారీ వర్షాలు.. ఆ జిల్లాల్లో వడగండ్లు.. మరో రెండు రోజులూ ఇదే పరిస్థితి..!

HailStorm in Telangana: తెలంగాణలో వాతావరణ పరిస్థితి ఒక్కసారిగా మారిపోయింది. మధ్యాహ్నం వరకు ఎండ మండిపోగా.. ఉన్నట్టుండి వాతావరణం చల్లబడిపోయి.. భారీ వర్షం కురిసింది. హైదరాబాద్ సహా రాష్ట్రంలోని పలు ప్రాంతాల్లో వర్షం కురిసింది. ముఖ్యంగా.. ఉమ్మడి కరీంనగర్, ఆదిలాబాద్‌ జిల్లాల్లోని పలు ప్రాంతాల్లో ఈదురు గాలులతో కూడిన వడగండ్లు కురిశాయి. కాగా.. మరో రెండు రోజుల పాటు ఇదే పరిస్థితి ఉంటుందని వాతావరణ శాఖ అధికారులు అంచనా వేస్తున్నారు.