తెలంగాణలో మరో అంతర్జాతీయ ఫెస్టివల్.. మే 11న టమాటాలతో కొట్టుకోవడమే.. ఎక్కడంటే..

ఫెస్టివల్ అంటే ఎవరికైనా ఆనందంగా ఉంటుంది. అదికూడా స్నేహితులతో కలిసి చేసుకుంటే ఆ సంతోషమే వేరు. అలాంటి ఆ ఆనందకర ఘడియలకు తెలంగాణ రాష్ట్రం వేదిక కానుంది. హైదరాబాద్‌ నగరంలో మొట్టమొదటిసారిగా టమాటా ఫైట్ ఫెస్టివల్ నిర్వహించనున్నారు. ఈ ఉత్సవం మే 11వ తేదీన ఉదయం 10 గంటలకు మొదలు అవుతుంది. 85 దేశాల నుంచి దిగుమతి చేసుకున్న సుమారు 25 వేల జాతుల అరుదైన వృక్షాలు, మొక్కలు, శిల్పాలతో కూడి ఉన్న ‘ఎక్స్‌పీరియం’ ఎకో పార్క్‌ దీనికి వేదిక కానుంది.