తెలుగు వ్యక్తికి అరుదైన అవకాశం.. ఐరాసలో భారత రాయబారిగా పర్వతనేని హరీష్

Parvathaneni Harish As UN Ambassador: తెలుగు వ్యక్తి పర్వతనేని హరీష్‌కు అరుదైన అవకాశం దక్కింది. ఐక్యరాజ్యసమితికి భారత శాశ్వత ప్రతినిధిగా నియమిస్తూ కేంద్ర విదేశాంగ శాఖ ఆదేశాలు జారీ చేసింది. ప్రస్తుతం జర్మనీలో భారత రాయబారిగా సేవలందిస్తున్నారు.. హరీష్‌ త్వరలో యూఎన్‌ అంబాసిడర్‌గా బాధ్యతలు స్వీకరిస్తారు. ఐరాసలో భారత శాశ్వత ప్రతినిధి రుచిరా కాంభోజ్ జూన్‌లో పదవీవిరమణ చేశాక ఆ పోస్ట్‌ అప్పటి నుంచీ ఖాళీగా ఉంది. ఆ స్థానంలో హరీష్‌ను నియమించారు. 1990 బ్యాచ్‌ ఇండియన్‌ ఫారిన్‌ సర్వీస్ అధికారి అయిన హరీష్‌ మూడు దశాబ్దాలుగా విదేశాంగ శాఖ పరిధిలో పలు దేశాల్లో పనిచేశారు.