దర్శనానికి 20 గంటలు.. భక్తులకు టీటీడీ కీలక సూచన.. రానున్న 2, 3 రోజులు వెళ్లకపోతేనే బెటర్

తిరుమల శ్రీవారి దర్శనానికి వెళ్లే భక్తులకు టీటీడీ ముఖ్య సూచన చేసింది. వేసవి సెలవులు, వారాంతం కావడంతో రద్దీ విపరీతంగా పెరిగింది. దర్శనానికి దాదాపు 20 గంటల సమయం పడుతుందని అధికారులు తెలిపారు. భక్తులు రెండు మూడు రోజులు ఆగి వస్తే సౌకర్యంగా ఉంటుందని సూచించారు. వాతావరణ శాఖ భారీ వర్ష సూచన నేపథ్యంలో భక్తుల సంఖ్య తగ్గే అవకాశం ఉంది. శనివారం 95,080 మంది భక్తులు దర్శించుకున్నారు, హుండీ ఆదాయం 3.47 కోట్లు.