నగర వాసులకు తీపి కబురు.. ఆస్తి పన్ను చెల్లింపులో 90 శాతం రాయితీ ప్రకటన..

హైదరాబాద్ నగరంలోని ఆస్తి పన్ను చెల్లింపుదారులకు తెలంగాణ ప్రభుత్వం భారీ ఊరటనిచ్చింది. ఏళ్ల తరబడి పెండింగ్‌లో ఉన్న పన్ను బకాయిల కోసం 'వన్ టైమ్ స్కీమ్' (OTS)ను ప్రకటించింది. ఈ పథకం కింద పాత బకాయిలపై ఉన్న వడ్డీలో ఏకంగా 90 శాతం రద్దు చేస్తూ ప్రభుత్వం జీఓ నంబర్ 869 జారీ చేసింది. పన్ను చెల్లింపుదారులు అసలు సొమ్ముతో పాటు 10 శాతం వడ్డీ కడితే సరిపోతుంది. ఈ వెసులుబాటు జీహెచ్‌ఎంసీ పరిధిలోని అన్ని ప్రైవేట్, ప్రభుత్వ సంస్థలకు 2025-26 ఆర్థిక సంవత్సరానికి వర్తిస్తుంది.