'నేను ఏమైనా పుష్పానా.. షేఖావత్‌లా వచ్చి ఎత్తుకు పోవడానికి'.. పోలీస్ స్టేషన్‌లో మంచు మనోజ్

Manchu Manoj Bhakarapeta Police Station Protest: నటుడు మంచు మనోజ్ తిరుపతి జిల్లా చిన్నగొట్టిగల్లు మండలం భాకరాపేట పోలీస్‌స్టేషన్‌కు వెళ్లారు. సోమవారం రాత్రి 11.15 గంటల సమయంలో వచ్చి ఆయన అర్ధరాత్రి వరకు అక్కడే బైఠాయించారు. తాను తన సిబ్బందితో ఘాట్ రోడ్డులోని రిసార్ట్‌లో బసచేయగా పోలీసులు తమ సిబ్బందిని ఇక్కడ ఎందుకు ఉన్నారని ప్రశ్నించారని.. తాము మంచు మనోజ్‌తో ఉన్నామని చెప్పగా పోలీసులు స్టేషన్‌కు పిలిచారన్నారు. తాను స్టేషన్‌కు వచ్చేసరికి ఎస్సై లేరని.. ఎక్కడికెళ్లినా పోలీసులు ఇబ్బంది పెడుతున్నారంటూ అక్కడే బైఠాయించారు.