న్యూ ఇయర్‌ వేడుకల వేళ.. శుభవార్త చెప్పిన హైదరాబాద్ మెట్రో.. సర్వీస్ సమయం పొడిగింపు..

హైదరాబాద్‌లో నూతన సంవత్సర వేడుకల దృష్ట్యా మెట్రో రైలు సేవల సమయాన్ని పొడిగిస్తూ ఎల్‌అండ్‌టీ సంస్థ నిర్ణయం తీసుకుంది. డిసెంబర్ 31వ తేదీ రాత్రి ప్రయాణికుల సౌకర్యార్థం అర్ధరాత్రి 1 గంట వరకు మెట్రో రైళ్లు అందుబాటులో ఉంటాయని అధికారులు వెల్లడించారు. సాధారణంగా రాత్రి 11 గంటలకే ముగిసే ఈ సేవలను.. వేడుకల రద్దీని దృష్టిలో ఉంచుకుని మరో రెండు గంటలు పొడిగించారు. అన్ని ప్రారంభ స్టేషన్ల నుండి చివరి రైలు ఒంటిగంటకు బయలుదేరుతుంది. భద్రత కోసం రైళ్లు , స్టేషన్లలో పోలీసుల నిఘా పటిష్టంగా ఉంటుందని.. ప్రయాణికులు నిబంధనలు పాటిస్తూ బాధ్యతాయుతంగా వ్యవహరించాలని మెట్రో యాజమాన్యం సూచించింది.