పట్టు లంగాతో ముస్తాబై వచ్చి.. స్కూల్ బస్సు కింద నలిగిపోయిన పాప.. గుండెల్ని పిండేసే ఘటన

స్కూల్‌లో బతుకమ్మ వేడుకలంటే పట్టు పరికిణి వేసుకుని ఎంతో ఆనందంగా వచ్చిన మూడేళ్ల చిన్నారిని.. పాఠశాలకు తీసుకొచ్చిన వ్యానే చిదివేసింది. ఈ విషాదకర ఘటన.. ముస్తాబాద్ మండల కేంద్రంలోని ఓ ప్రైవేటు పాఠశాలలో జరిగింది. కాసేపయితే.. బతుకమ్మ ఆడుకునే అదే గ్రౌండ్‌లో.. పట్టు లంగాతో చేతిలో టిఫిన్ బాక్స్‌, బ్యాగ్‌తో .. ఆ చిన్నారి విగతజీవిగా పడి ఉండటం.. అందరి గుండెల్ని పిండేసింది. ఈ ఘటనపై పోలీసులు కేసు నమోదు చేసుకుని దర్యాప్తు చేస్తున్నారు.