పల్లా రాజేశ్వర్ రెడ్డికి హైకోర్టులో భారీ ఊరట.. హైడ్రాకు కీలక ఆదేశాలు..!

హైదరాబాద్‌లో ఎఫ్టీఎల్, బఫర్ జోన్లలో అక్రమంగా నిర్మించిన కట్టడాలను బుల్డోజర్లతో నేల మట్టం చేపిస్తూ.. వణుకు పుట్టిస్తోంది హైడ్రా. ఇప్పటికే పలువురు రాజకీయ నేతలతో పాటు సినీ ప్రముఖులకు సంబంధించిన కట్టడాలపై కూడా బుల్డోజర్లను ప్రయోగించింది హైడ్రా. ఇదే క్రమంలో బీఆర్ఎస్ ఎమ్మెల్యే పల్లా రాజేశ్వర్ రెడ్డికి సంబంధించిన విద్యాసంస్థలకు కూడా హైడ్రా నోటీసులు జారీ చేసింది. దీంతో.. పల్లా హైకోర్టును ఆశ్రయించగా భారీ ఊరట లభించింది.