పశ్చిమగోదావరి: కాలువలోకి దూసుకెళ్లిన కారు.. ఇంజనీరింగ్ విద్యార్థులు మృతి

పశ్చిమ గోదావరి జిల్లా ఇరగవరం మండలంలో తీవ్ర విషాదం చోటుచేసుకుంది. పంట కాలువలోకి కారు దూసుకెళ్లిన ప్రమాదంలో నలుగురు ఇంజనీరింగ్ విద్యార్థులు చనిపోయారు. మరో యువకుడు గల్లంతయ్యాడు. గల్లంతైన యువకుడి కోసం గాలింపు చర్యలు కొనసాగిస్తున్నారు. వీరంతా ఓ వివాహానికి హాజరై తిరిగి వస్తున్న సమయంలో ప్రమాదం జరిగినట్లు తెలిసింది. చనిపోయిన వారు అంబేద్కర్ కోనసీమ, పశ్చిమ గోదావరి జిల్లాలకు చెందిన వారని పోలీసులు తెలిపారు.