పులివెందుల జెడ్పీటీసీ ఎన్నిక.. వైఎస్ అవినాష్ రెడ్డి అరెస్ట్

పులివెందుల జెడ్పీటీసీ ఉప ఎన్నిక వేళ.. పోలీసులు కడప వైసీపీ ఎంపీ వైఎస్‌ అవినాష్‌ రెడ్డిని అరెస్ట్‌ చేశారు. తెల్లవారుజామున ఆయన నివాసానికి వచ్చిన పోలీసులు ఆయన్ను అరెస్టు చేసి పోలీసు వాహనంలో తరలించారు. ఆయన్ని కడప పీఎస్‌కు తరలించినట్లు సమాచారం. పులివెందుల, ఒంటిమిట్టలో ఉదయం ఏడు గంటలకు జడ్పీటీసీ ఉప ఎన్నికల పోలింగ్‌ ప్రారంభమైంది. సాయంత్రం ఐదు గంటల వరకు బ్యాలెట్‌ విధానంలో పోలింగ్ జరగనుంది. పులివెందుల ఎన్నికలను టీడీపీ, వైసీపీ ఇరుపార్టీలు ప్రతిష్టాత్మకంగా తీసుకోవడంతో టెన్షన్‌ వాతావరణం నెలకొంది. కడప కలెక్టరు చెరుకూరి శ్రీధర్ ఎన్నికలను పర్యవేక్షిస్తున్నారు. ఎన్నికలు ప్రశాంతంగా నిర్వహించేందుకు 1400 మంది పోలీసులను నియమించారు. డీఐజీ కోయప్రవీణ్ ఆధ్వర్యంలో కడప ఎస్పీ అశోక్ కుమార్ కట్టుదిట్టమైన భద్రతను ఏర్పాట్లు చేశారు.