పూటకో ట్విస్ట్ ఇస్తున్న బండ్ల కృష్ణమోహన్ రెడ్డి.. మళ్లీ ముఖ్యమంత్రితో మంతనాలు

తెలంగాణ రాజకీయాలు ఆసక్తికరంగా మారుతున్నాయి. గద్వాల ఎమ్మెల్యే బండ్ల కృష్ణమోహన్ రెడ్డి రోజుకో ట్విస్ట్ ఇస్తున్నారు. బీఆర్ఎస్ పార్టీలో గెలిచిన బండ్ల కృష్ణమోహన్ రెడ్డి.. ఇటీవలే కాంగ్రెస్ పార్టీలో చేరిన విషయం తెలిసిందే. అయితే.. కాంగ్రెస్ కండువా కప్పుకున్న కొద్దిరోజులకే మళ్లీ సొంత గూటికి చేరుకుని హస్తం పార్టీకి షాక్ ఇచ్చారు. బండ్ల చేరికతో బీఆర్ఎస్ ఘర్ వాపసీ మొదలైందని వార్తలు చక్కర్లు కొడుతున్న సమయంలో.. మరో షాక్ ఇచ్చారు బండ్ల కృష్ణమోహన్ రెడ్డి.