ప్రియుడి మోజులో భర్త దారుణ హత్య.. పక్కా స్కెచ్ వేసి మరీ..!

ప్రియుడిపై మోజుతో భార్య తన భర్తను కిరాతకంగా హత్య చేయించిన ఘటన మహబూబాబాద్‌ జిల్లాలో చోటు చేసుకుంది. మహబూబాబాద్‌ పురపాలిక పరిధిలోని శనిగపురం శివారు బోరింగ్‌ తండా సమీపంలో సోమవారం జరిగిన ఈ ఘాతుకాన్ని భార్యే ఒడిగట్టిందని తెలియడంతో అందరూ నివ్వెరపోయారు. అతి తక్కువ సమయంలోనే ఈ మిస్టరీని పోలీసులు ఛేదించారు. మృతుడి భార్య తాటి స్వప్నతో పాటు ఆమె ప్రియుడు విద్యాసాగర్‌ను అరెస్టు చేసి రిమాండ్‌కు పంపించారు. జిల్లా ఎస్పీ సుధీర్‌ రాంనాథ్‌ కేకన్‌ గురువారం పట్టణ పోలీసు స్టేషన్‌లో ఈ వివరాలను వెల్లడించారు.