ప్రైవేట్ వీడియోలను షేర్ చేస్తోన్న హాస్టల్ వార్డెన్..! ఆందోళనలో ఇంజనీరింగ్ కాలేజీ అమ్మాయిలు..

ఘట్‌కేసర్‌లోని వీబీఐటీ ఇంజినీరింగ్ కళాశాల హాస్టల్ వార్డెన్ విద్యార్థినుల అసభ్యకర ఫోటోలు తీసి సోషల్ మీడియాలో పోస్ట్ చేస్తున్నాడని ఆరోపిస్తూ విద్యార్థులు ఆందోళనకు దిగారు. షార్ట్స్ ధరించిన తమ ఫోటోలు తీశారని విద్యార్థినులు ఆవేదన వ్యక్తం చేశారు. వార్డెన్‌ను అరెస్టు చేయాలని డిమాండ్ చేస్తూ వారు కళాశాల గేటు వద్ద నిరసన తెలిపారు. పోలీసులు ఘటనా స్థలానికి చేరుకుని విద్యార్థులకు నచ్చజెప్పారు. విద్యార్థినుల ఆరోపణలపై సమగ్ర విచారణ జరుపుతామని హామీ ఇవ్వడంతో వారు ఆందోళన విరమించారు. ఈ ఘటన కళాశాలలో కలకలం రేపింది. పోలీసులు నిందితులపై చర్యలు తీసుకోవాలని విద్యార్థులు కోరుతున్నారు.