ప్లాస్టిక్ వ్యర్థాలతో ఫుట్‌పాత్.. హైదరాబాద్‌లో తొలిసారి.. 50 ఏళ్ల పాటు మన్నికగా..!

హైదరాబాద్‌లో పర్యావరణహిత మౌలిక సదుపాయాల దిశగా జీహెచ్‌ఎంసీ వినూత్న ప్రయోగం చేపట్టింది. సింగిల్ యూజ్ ప్లాస్టిక్ వ్యర్థాలతో తయారైన పేవర్ బ్లాకులతో కూడిన తొలి ఫుట్‌పాత్‌ను నిర్మించింది. పాలిథిన్ బ్యాగులు, బాటిళ్లు, ర్యాపర్లతో తయారు చేసిన ఈ బ్లాకులు 50 ఏళ్ల పాటు మన్నికగా ఉండనున్నాయి. వర్షంలో తడిస్తే జారకుండా గ్రిప్ కూడా ఇస్తాయని.. వేసవిలో వేడి తక్కువగా ఉంటుందని అధికారులు తెలిపారు. ఇవి సక్సెస్ అయితే మరిన్ని ప్రాంతాలకు విస్తరించనున్నారు.