ప్లీజ్.. నేను ఏ తప్పూ చేయలే.. అతనెవరో కూడా తెల్వదు.. వెక్కివెక్కి ఏడుస్తున్న బర్రెలక్క

Karne Sirisha Crying: బర్రెలక్క అలియాస్ శిరీష మరోసారి వార్తల్లో నిలిచింది. ఈసారి ఎలక్షన్లలో నిలబడో.. పెళ్లి చేసుకుంటూనో కాదు.. ఫేస్ బుక్‌లో చాట్ చేసి డబ్బులు వసూలు చేసిందంటూ వైరల్ అవుతున్న వార్తతో. అది కూడా మన తెలుగు రాష్ట్రాల్లో కాదు.. కర్ణాకటలో. ఓ ప్రముఖ కన్నడ ఛానెల్‌లో వచ్చిన వార్తను చూసిన బర్రెలక్క బోరుబోరున విలపిస్తూ ఓ వీడియో విడుదల చేసింది. తాను ఏ తప్పూ చేయలేదని.. అతనెవరో కూడా తనకు తెల్వదంటూ గుక్కపెట్టి ఏడ్చింది. తన జీవితంతో ఆడుకోవద్దని వేడుకుంది.