బతుకమ్మకు అమెరికాలో అధికారిక గుర్తింపు.. 'తెలంగాణ హెరిటేజ్ వీక్‌' పేరుతో సంబురాలు

Telangana Heritage week: తెలంగాణ సంస్కృతి సంప్రదాయాలకు ప్రతీక అయిన పూల సంబురం బతుకమ్మ పండుగకు అమెరికాలోని పలు రాష్ట్రాలు అధికారికంగా గుర్తించాయి. అంతేకాదు.. తెలంగాణ హెరిటేజ్ వీక్ పేరుతో తొమ్మిది రోజుల పాటు బతుకమ్మ సంబురాలు నిర్వహించనున్నాయి. ఈ మేరకు నార్త్ కరోలినా, జార్జియా, వర్జీనియా రాష్ట్రాలు.. బతుకమ్మ పండుగను అధికారికంగా గుర్తిస్తున్నట్టు ఉత్తర్వులు జారీ చేశాయి. దీంతో.. తెలంగాణ పూల పండుగ అయిన బతుకమ్మ ఇప్పుడు విశ్వవ్యాప్తమైంది.