బీఆర్ఎస్ ఆఫీస్ కూల్చేయండి, లేదంటే జైలుకే.. అధికారులకు మంత్రి కోమటిరెడ్డి హెచ్చరిక

Nalgonda BRS Office: నల్గొండ జిల్లా కేంద్రంలో నిర్మించిన బీఆర్ఎస్ కార్యాలయాన్ని కూల్చివేతపై మరోసారి ఆదేశాలు జారీ చేశారు మంత్రి కోమటిరెడ్డి వెంకట్ రెడ్డి. ఈ బీఆర్ఎస్ పార్టీ ఆఫీసు కూల్చివేతపై గతంలోనే పలుమార్లు అధికారులకు ఆదేశాలు జారీ చేసిన మంత్రి కోమటిరెడ్డి.. ఈసారి హెచ్చరికలు కూడా చేశారు. తాను అమెరికా వెళ్తున్నానని.. మళ్లీ తిరిగి వచ్చేలోపు బీఆర్ఎస్ పార్టీ కార్యాలయాన్ని కూల్చేయ్యాలని.. కూల్చకపోతే సదరు అధికారులపై చట్టపరమైన చర్యలు తీసుకుంటామని హెచ్చరించారు.