బీఆర్ఎస్‌లో విషాదం.. సీనియర్ నేత జిట్టా బాలకృష్ణారెడ్డి కన్నుమూత

Jitta Balakrishna Reddy: బీఆర్‌ఎస్‌ నేత, తెలంగాణ ఉద్యమకారుడు జిట్టా బాలకృష్ణారెడ్డి కన్నుమూశారు. బ్రెయిన్‌ ఇన్‌ఫెక్షన్‌తో బాధపడుతున్న ఆయన కొద్ది రోజులుగా సికింద్రాబాద్‌‌లోని ప్రైవేట్ ఆస్పత్రిలో చికిత్స పొందుతున్నారు. ఆయన పరిస్థితి విషమించడంతో శుక్రవారం ఉదయం తుదిశ్వాస విడిచారు. ఆయన భౌతికకాయాన్ని కుటుంబ సభ్యులు భువనగిరికి తరలించారు. సాయంత్రం 4 గంటలకు జిట్టా అంత్యక్రియలు నిర్వహించనున్నట్లు కుటుంబసభ్యులు తెలిపారు. జిట్టా బాలకృష్ణారెడ్డి మరణంపై కేసీఆర్, కేటీఆర్, హరీష్‌రావు బీఆర్ఎస్ నేతలు సంతాపాన్ని తెలియజేశారు.