మంచిర్యాల జిల్లాలో వింత ఘటన.. బ్రహ్మంగారు చెప్పింది నిజమవుతోందా..?

తెలంగాణలో వరుసగా వింత ఘటనలు వెలుగుచూస్తున్నాయి. ఇటీవలే.. జగిత్యాల జిల్లాలోని ఎండపల్లిలో ఏళ్లనాటి చింతచెట్టుకు కల్లు వస్తుండటం అందరినీ ఆశ్చర్యపరిస్తే.. ఇప్పుడు మంచిర్యాల జిల్లా చెన్నూరు మండలం ఎలక్కపేటలో మరో వింత ఘటన వెలుగుచూసింది. నల్లటి గేదెకు తెల్లని రంగులో దూడ జన్మించింది. ఈ ఘటన ఆ గ్రామస్థులనే కాకుండా చుట్టుపక్కల ఊళ్ల ప్రజలను కూడా ఆశ్చర్యంలో ముచ్చెత్తుతోంది. దీంతో.. ఆ వింత ఘటనను చూసేందుకు జనాలు ఎగబడిపోతున్నారు.