మంత్రిగారి కోపం.. అధికారి ఇచ్చిన బొకేను విసిరికొట్టిన సవిత.. వీడియో వైరల్

ఏపీ మంత్రి సవితమ్మకు కోపం వచ్చింది. అధికారి ఇచ్చిన బొకేను విసిరికొట్టేలా చేసింది. దీనికి సంబంధించిన దృశ్యాలు సోషల్ మీడియాలో వైరల్ అవుతున్నాయి. ఏపీ బీసీ సంక్షేమ శాఖ మంత్రి సవిత.. ఇటీవల పెనుకొండలో పర్యటించారు. ఈ సందర్భంగా పెనుకొండకు చెందిన ఓ అధికారి ఆమెకు స్వాగతం పలుకుతూ బొకేను అందించారు. అయితే బొకే తీసుకున్న సవిత.. దానిని కోపంతో వెనక్కి విసిరేశారు. దీనికి సంబంధించిన వీడియోలు ప్రస్తుతం నెట్టింట వైరల్ అవుతున్నాయి. దీంతో సవిత తీరును కొంతమంది నెటిజనం తప్పుబడుతున్నారు.