'మళ్లీ చూస్తానో.. ఎదురుచూస్తూనే పోతానో..' 11 ఏళ్ల ఎడబాటు.. హృదయాలు ద్రవించే రియల్ స్టోరీ

ఎదురుచూసీ చూసీ అలసి సొలసి ఆశలు ఆవిరైపోయిన ఆ దంపతుల జీవితాల్లో పోలీసులు చెప్పిన ఆ ఒక్క మాట.. బీడువారిన భూములపై తొలకరి జల్లు కురిసినట్టుగా కొత్త ఉత్తేజాన్ని నింపింది. 11 ఏళ్లుగా బాధతో కార్చి కార్చి అడుగంటిపోయిన కన్నీటి ఊట.. ఆనందధారలుగా ఉబికి వచ్చింది. మళ్లీ చూస్తామో.. ఎదురుచూస్తూనే పోతామో అనుకుని కుమిలిపోయినా ఆ కన్నవారి గుండెలు సంతోషంతో ఉప్పొంగిపోయాయి. ముక్కోటి దేవతలకు చేసిన పూజలు ఫలించాయి. ఆ తల్లిదండ్రులు వెల్లబోసుకున్న గోడును ఆ దేవుడు విన్నాడేమో.. ఏ రోజు కోసమైతే ఎంత బాధనైనా అనుభవిస్తూ ఇసుమంత ఆశతో బతుకుతున్నారో ఆ రోజు రానే వచ్చింది.