మహిళా సంఘాలకు సర్కార్ బంపరాఫర్.. ప్రతి నెలా రూ.70 వేలు.. నేరుగా ఖాతాలో జమ

Telangana SHG Buses: తెలంగాణ ప్రభుత్వం.. మహిళా సాధికారతకు ప్రాధాన్యతనిస్తూ, మహిళా సంఘాల సభ్యులను కోటీశ్వరులను చేసే లక్ష్యంతో రాష్ట్రంలో కొత్త పథకాన్ని ప్రవేశపెట్టింది. దీని ద్వారా మహిళా సంఘాలకు బస్సులను కేటాయించి, వాటిని ఆర్టీసీకి అద్దెకు ఇవ్వనుంది. ఇందువల్ల ఆర్టీసీ నుంచి అద్దె ద్వారా ప్రతి నెలా రూ.70 వేల వరకు ఆదాయం పొందేలా చర్యలు తీసుకుంటున్నారు. వడ్డీలేని రుణాలతో బస్సులు కొనుగోలు చేసి మహిళా సంఘాలకు అందివ్వనున్నారు. ఇప్పటికే పలు జిల్లాల్లో ఈ కార్యక్రమం మొదలైంది.