మాకు కేసీఆర్ ఆ విషయం గురించి పదే పదే చెప్పేవారు: బీజేపీ ఎంపీ ఈటల రాజేందర్‌

బీజేపీ ఎంపీ ఈటల రాజేందర్, మాజీ ముఖ్యమంత్రి కేసీఆర్ పాలనపై కీలక వ్యాఖ్యలు చేశారు. కేసీఆర్ సీఎంగా ఉన్నప్పుడు ప్రతి పదిహేను రోజులకు ఒకసారి కేబినెట్ సమావేశం జరిగేదని, చిన్న నిర్ణయాలు కూడా కేబినెట్ ముందు ఉంచేవారని తెలిపారు. కాళేశ్వరంపై ప్రతి అంశం చర్చించామని పేర్కొన్నారు. కుంగిన పిల్లర్లను బాగు చేయాలని ప్రభుత్వానికి విజ్ఞప్తి చేశారు. బీఆర్‌ఎస్‌లో కుటుంబ పాలన ఉంటుందని విమర్శిస్తూ, బీజేపీ ఒంటరిగా స్థానిక ఎన్నికల్లో పోటీ చేస్తుందన్నారు. కాంగ్రెస్ ప్రభుత్వం పేదల ఇళ్లను కూల్చడంపై మండిపడ్డారు. తెలంగాణ అభివృద్ధికి కేంద్రం నుంచి బీజేపీ అనేక ప్రాజెక్టులు తెచ్చిందని స్పష్టం చేశారు.